بسم الله الرحمن الرحيم
انا طلبت جهاز اكس بوكس ون طلب مسبق من جرير :victorious:واستلمت الجهاز وطلع فيه عيب مصنعي الا وهو الصوت:Cry:المهم رجعته جرير ورفضو الجهاز بحجة انه من مايكروسوفت وانه لازم تدق على الدعم الفني
يكلموني الدعم الفني لكن مادقو المهم استعجلت وتوجهت للخبر عشان اروح مايكروسوفت نفسها طلعت لهم قابلت هندي قالت له ابغى الدعم الفني وعندي فاتورة ومن ذا الكلام قال احنا ماعندنا دعم فني هينا ابد احنا شركه فقط :3: قال استنى انا بدق لك على الدعم الفني قلت مايردون قال بيردون وحط للغة الدعم انجليزي ونكبني وراح يناديلي موظف يشرح له مشكلتي العجيب انهم على طوول ردو ردة موظفة وبالقوة فهمت مشكلتي :mort: واعطتني رقم التبديل((reference number)) اللي كانت جرير تبغاه وكمان ارسلوه على ايميلي جا الموظف يقول انه المفروض ((جرير تستبدل الجهاز وهي اللي تدق على
الدعم الفني))واخذ ايميلي واسمي عشان تتوصل معايه مايكروسوفت المهم خليت التبديل لليوم الثاني لني كنت تعبان دقو علي قبل ماروح ابدل الجهاز قالو انت تواصلت معنا عن طريق تويتر
واسفين على التاخير قلت له لا خلاص جاني الرقم قال خلاص راح ندق عليك بكرة نفس الوقت عشان نشيك ونسالك عن الجهاز الجديد:good:
رحت جرير وقابلت خدمة العملاء ماقصر معي قالي خلاص روح عند الجهة ذيك وراح يساعدونك اعطيتهم الرقم وقاعدو يحققون ويسالون عن المشكله
المهم راح بدل الجهاز وعلى فكرة التبديل (((على الجهاز فقط )))واعطوني اللعبتين ولعبة ماكس ولعبة سامجة وتعويض ١٠٠ ريال مشتريات من جرير
وشغلت الجهاز وماكان له صوت طبعا عكس القديم:3: واتصلو اليوم وسالو عن الجهاز وعن اي مشكله ثانيه عن او خارج الجهاز او في الايف ماقصرو صراحة
((حبيت افيدكم بتجربتي واختصرت بعض الاشياء عشان ما اطول عليكم وان شاء الله ما اكون طولت عليكم وعلى فكرة تاخير الالعاب كان من مايكروسوفت امريكا وليست الجمارك او السعودية وهذا كلام الموظف واذا احد حاب يسال او يستفسر يتفضل :love1
والسلام عليكم ورحمة الله وبركاته
الخلاصه: الاشياء اللي استفدت فيها من التجربه انه صارت لك مشكله في الجهاز او اي شي ثاني دق على الدعم الفني بالثابت رقمهم 8008443784 بعدين توجه للمحل اللي اخذته منه
التعديل الأخير: