بسم الله الرحمن الرحيم السلام عليكم ورحمة الله وبركاته :d انا طلبت جهاز اكس بوكس ون طلب مسبق من جرير :victorious:واستلمت الجهاز وطلع فيه عيب مصنعي الا وهو الصوتالمهم رجعته جرير ورفضو الجهاز بحجة انه من مايكروسوفت وانه لازم تدق على الدعم الفني انا زعلت واستعجلت ورفعت شكوى على جرير وماجابت نتيجة بسبب ان التبديل لازم يكون مايكروسوفت تدري بالامر المهم قعدت ادق على الدعم الفني بالجوال الرقم مقفل لمدة ٣ ايام اتوقع او اكثر ودقيت على مايكروسوفت نفسها رد علي موظف اقتبس((يالحبيب دق بالثابت)) المهم قعدت ادق عليهم ماردو وقتها كنت مكلم مايكروسوفت في تويتر قالو انهم راح يكلموني الدعم الفني لكن مادقو المهم استعجلت وتوجهت للخبر عشان اروح مايكروسوفت نفسها طلعت لهم قابلت هندي قالت له ابغى الدعم الفني وعندي فاتورة ومن ذا الكلام قال احنا ماعندنا دعم فني هينا ابد احنا شركه فقط قال استنى انا بدق لك على الدعم الفني قلت مايردون قال بيردون وحط للغة الدعم انجليزي ونكبني وراح يناديلي موظف يشرح له مشكلتي العجيب انهم على طوول ردو ردة موظفة وبالقوة فهمت مشكلتي واعطتني رقم التبديل((reference number)) اللي كانت جرير تبغاه وكمان ارسلوه على ايميلي جا الموظف يقول انه المفروض ((جرير تستبدل الجهاز وهي اللي تدق على الدعم الفني))واخذ ايميلي واسمي عشان تتوصل معايه مايكروسوفت المهم خليت التبديل لليوم الثاني لني كنت تعبان دقو علي قبل ماروح ابدل الجهاز قالو انت تواصلت معنا عن طريق تويتر واسفين على التاخير قلت له لا خلاص جاني الرقم قال خلاص راح ندق عليك بكرة نفس الوقت عشان نشيك ونسالك عن الجهاز الجديد رحت جرير وقابلت خدمة العملاء ماقصر معي قالي خلاص روح عند الجهة ذيك وراح يساعدونك اعطيتهم الرقم وقاعدو يحققون ويسالون عن المشكله:mad: وماله نفس الفلبيني هو وخويه يرجع الجهاز المهم راح بدل الجهاز وعلى فكرة التبديل (((على الجهاز فقط )))واعطوني اللعبتين ولعبة ماكس ولعبة سامجة وتعويض ١٠٠ ريال مشتريات من جرير وشغلت الجهاز وماكان له صوت طبعا عكس القديم واتصلو اليوم وسالو عن الجهاز وعن اي مشكله ثانيه عن او خارج الجهاز او في الايف ماقصرو صراحة ((حبيت افيدكم بتجربتي واختصرت بعض الاشياء عشان ما اطول عليكم وان شاء الله ما اكون طولت عليكم وعلى فكرة تاخير الالعاب كان من مايكروسوفت امريكا وليست الجمارك او السعودية وهذا كلام الموظف واذا احد حاب يسال او يستفسر يتفضل )) والسلام عليكم ورحمة الله وبركاته الخلاصه: الاشياء اللي استفدت فيها من التجربه انه صارت لك مشكله في الجهاز او اي شي ثاني دق على الدعم الفني بالثابت رقمهم 8008443784 بعدين توجه للمحل اللي اخذته منه
رد: تجربتي بين مايكروسوفت وجرير(مهم) الله يعطيك العافيه والف مبروك عليك الجهاز والحمدلله ان امورك سلكت إن شاء الله يتفادون مثل هذي المشاكل في المستقبل :d
رد: تجربتي بين مايكروسوفت وجرير(مهم) الله يعافيك والله يبارك فيك ان شاء الله يارب بس والله كانو متعاونين
رد: تجربتي بين مايكروسوفت وجرير(مهم) يعطيك العافية ومبروك الجهاز الجديد .. واي استفسار انا حاضر .. ضيفني عندك :d
رد: تجربتي بين مايكروسوفت وجرير(مهم) يا أخي ليه هالمرمطة طيب كلها !! المفروض مايكرووسوفت تحاسب جرير على سوء معاملتها مع العملاء لأن بهذه الطريقة جرير وغيرها قاعدين يتسببون في تشويه سمعة مايكرو ما أدري هل فيه وكيل رسمي يحاسبهم على ذلك أولا ؟؟
رد: تجربتي بين مايكروسوفت وجرير(مهم) كلامك صحيح الموظف قالي نفس كلامك راح يحاسبون جرير لكن مو على العلن من تحت لتحت وجرير راح تقول سمعا وطاعه لن مايكرو دافع لهم ملايين
رد: تجربتي بين مايكروسوفت وجرير(مهم) الله يعافيك ويبارك في عمرك تسلم ماتقصر(f) وراح تجيك الاضافه بعد شوي:d
رد: تجربتي بين مايكروسوفت وجرير(مهم) اول شي مبروووووك عليك الجهاز وربنا يباركلك فيه يا رب و يعطيك خيرو و يكفيك شرو وصل ايميل لاكسترا و جرير ان لو في شي تتصل ع خدمة العملاء لمايكروسوفت و يعطونك الرقم المرجعي وترجع للفرع و هم يبدلون لك و تعطيهم الرقم المرجعي بعد كدا مايكرو تعوض سواء جرير او اكسترا بجهاز ثاني الرقم المجاني للخدمة 3784 844 800 دوامهم تقريبا من الاحد للخميس و من 9 الصباح تقريبا لحد 6 العصر :)
رد: تجربتي بين مايكروسوفت وجرير(مهم) للأسف التعامل بها الطريقة ما تنفع مكتبة جرير ما كانوا واضحين بالبداية وتعاملهم كأنك تراجع دوائر حكومية .. اهم شي يمشيك من قدامه بتصريفه .. سواء معلومة صحيحة او معلومة خطأ نظام فاشل ======== الخلاصة .. يعني اي واحد لا قدر الله صارت له مشكلة .. يتصل على Microsoft ويقدم الشكوى وبعدين يراجع المكان اللي اشترى الجهاز منه (الأماكن اللي يقال لها معتمدة مثل جرير) ويرجعه لهم نظام فاشل وعلى Microsoft تعمل لها خطوة وهي تثبيت قدمها بالسوق لكن عاد وش تفهم فيهم يعطيك العافية .. الموضوع راح يفيد الكثير من الشباب اللي كان يسأل قبل الجهاز بضمان مين ووين الاستبدال <----- وهذي احد اكبر عيوب Microsoft نفسها لأن مافي اي شرح يوضح وين تراجع في حال عندك مشكلة ! المهم اشتري الجهاز وانتهينا
رد: تجربتي بين مايكروسوفت وجرير(مهم) المواضيع الي مثل هذي هي الي تهم ملاك xbox one سواءً الي قاموا بشرائه او الي مخططين عليه , ألف شكر لك على مشاركتنا هذي التجريبة و نصائحك الموجودة في الموضوع و الله يكتب لك اجر كل من اتبعها للأسف لازال هناك بعد في التواصل بين جرير و مايكروسوفت او مايكروسوفت و الموزعين و إن شاء الله ان كل هذي الاشياء تنحل بعد فترة ما بعد الإطلاق
رد: تجربتي بين مايكروسوفت وجرير(مهم) العفو امين ويا الجميع ============== من ناحية التواصل هو فيه تواصل بين جرير ومايكرو وخاصة على التبديل ذا مو وضع اني انا اللي ادق واستنى رد واسال عند وذا بس الحمدلله بعد التجربه هذي خلاص صرت اعرف ايش اسوي وان شاء الله ما امر فيها مره ثانيه ((بس انها كانت تغيير جوي شوي:d)) وان شاء ماحد يمر فيها (f)