الموضوع لانطباعات Screamride ، اللعبة من نشر Microsoft وتطوير نفس الفريق اللي طور Zoo Tycoon وبتحتوي طور اونلاين تقدر فيه تشارك مراحلك مع اصدقائك ، اللعبة تتمحور حول انك تسوي الرولو كوستر الخاصة فيك مع اي تصميم تبيه ولو كان شاطح كمثال تقدر تسوي رولو كوستر بطول مئات الامتار بدون اي مشكلة وبعد ما تخلص التصميم تجربه واذا مليت من التصميم تقدر تدمره ، اللعبة بتصدر في 3 مارس بعد نصف شهر تقريبا والديمو فرصة لتجربة اللعبة ببلاش :d الموضوع لارائكم عن اللعبة وما دام الديمو ببلاش فما فيه ضرر من تحميله " البلاش كثر منه "
رد: انطباعات Screamride ، الديمو الان في الماركت اذا مافيه كرسي تركبه وتجرب اللعبة ... مالها طعم ...!! ياخي ودك تجرب تصميم مراحل انت تصممها بكرسي زي الواقعي .. هنا اللعبة لو 100$ بشريها .. لكن بجرب الديمو ونحكم عليها :d
رد: انطباعات Screamride ، الديمو الان في الماركت بعد تجربة الديمو امس ... - اللعبة حلوة وفكرتها مجنونة خصوصا لما تحاول تنفذ التحديات اللي في المرحلة عشان يرتفع السكور - مقسمينها لثلاث اقسام: الرولكوستر (قطار الموت) , التدمير (تركب مركبة وتقذف نفسك في المباني , وكل مادمررت اكثر واصبت الاهداف ارتفع السكور) , الاخير اللي هوه التصميم تصمم لك تراك رولكوستر وتجربة تشوف كيف بيمشى عليه القطار ... - السرعة والموازنه وانت على الرولكوستر مجنوونه وفيها حركات مثل تميل المركبة على جنب عشان البونص او عشان تتفادي الحواجز - اللي يخاف يركب الرولكوستر في الحقيقة هذه فرصته يجربها :d السلبيات: البيئه والجرافيكس ضعيف شوي يعني كنيكت سبورت اجمل منها في الجرافيكس بشكل عام اللعبة حق اوقات البريك ممكن تلعبها تغير جو + حدها كاسعر مفروض 15 دولار
رد: انطباعات Screamride ، الديمو الان في الماركت بعد تجربة الديمو خ ا ي س ه أو بين قوسين ( ماهي بجوي ) :d
رد: انطباعات Screamride ، الديمو الان في الماركت لعبتها اول 3 دقايق ... ودليييييييييييييييييييييييييييت على طول ما ناقشتها ولا تكلمت ..!! سعرها 10$ بلا تقليل بحقها اشوف ..!! يعني اللي راكبين معك مسوين يعني يعرفون يحمسون ههههههههههه ياخي صحيح ان عالم الالعاب بخطر والافكار صحيح خلصت هههههههههه عيب انها حصرية صراحة ..!!! اتمنى مايكرو تنتبة للمستقبل بالحصريات المبالغ موجودة ونبي حصريات عليها الكلام ؟..!! هذه للاسف جدًا اقولها متأسف انها تبي تنزل لنا كحصرية ... لكن يتهنون فيها اللي اعجبتهم اللعبة
رد: انطباعات Screamride ، الديمو الان في الماركت اللعبة فكرتها حلوة لكن ما أقدر احكم عليها من اول المراحل والسعر!! 15-20$ حدها اما 40$ كااااارثة
رد: انطباعات Screamride ، الديمو الان في الماركت ههههههههههههه شفيكم ياشباب حطمتم أبو اللعبة خلوني أجربها وأحكم عليها بنفسي وأنا متأكد أنها بتعجبني
رد: انطباعات Screamride ، الديمو الان في الماركت امس جربت الديمو ... لا باس به الصراحة , اللون الابيض وايد تارس اللعبة تقدر تصمم مرحلة باكملها و تقدر تدمر مرحلة باكملها و تقدر تلعب لعبة تم تصميمها و عليك اكتشاف الهفوات فيها ^_^ بس سعرها شوي مبالغ فيه وهي لعبة ستور !!
رد: انطباعات Screamride ، الديمو الان في الماركت +1 أنا لعبتها اليوم وأتفق معكم حرفيا فيما قلتموه النقطة السلبية الوحيدة فيها هو ( السعر ) فقط سعر اللعبة مبالغ عليها حقيقة سعرها المعقول ما يتجاوز الـ 20 دولار بأي حال من الأحوال يعطيكم العافية